असा झाला कराची स्टॉक एक्स्चेंज इमारतीवर दहशतवादी हल्ला

नवी दिल्ली : पाकिस्तानच्या कराची येथील स्टॉक एक्स्चेंजच्या इमारतीवर सोमवारी दहशतवादी हल्ला झाला. यात पाच जणांचा मृत्यू झाला असून अन्य तिघे जखमी झाले आहेत.
माहितीनुसार, साधारण: सकाळी १० वाजण्याच्या सुमारास चार दहशतवादी याठिकाणी आले. त्यांनी ग्रेनेड (हातबॉम्ब) फेकल्यानंतर इमारतीच्या आतमध्ये शिरण्याचा प्रयत्न केला. मात्र, पोलिस आणि सुरक्षारक्षकांनी त्यांना घेराव घातला. यानंतर दोन्ही बाजूंनी बराचवेळ गोळीबार सुरू होता. दोन दहशतवादी प्रवेशद्वारावरच ठार झाले. तर, दोघांनी इमारतीत घुसखोरी केली. मोठा घातपात करण्याआधी त्यांना ठार मारण्यात आले. हे सर्व दहशतवादी पोलिसांचा गणवेश परिधान करुन आले होते. अद्याप कोणत्याही दहशतवादी संघटनेने या हल्ल्याची जबाबदारी स्वीकारलेली नाही. या घटनेनंतर स्टॉक एक्स्चेंजचा परिसर पूर्णपणे सील करण्यात आला आहे. तसेच, कराचीतील सर्व रुग्णालयांना हाय अलर्टवर राहण्याच्या सूचना देण्यात आल्या.
हल्ल्यानंतर इमारतीत अडकलेल्या लोकांना मागील बाजूने बाहेर काढण्यात आले. सुरक्षा दलाने शेअर बाजार इमारत परिसर सील केला आहे. त्याशिवाय परिसरातील काही इमारतींवर स्नाइपर्सही तैनात केले आहेत.

Leave a Reply

Your email address will not be published. Required fields are marked *

Next Post

वनहक्क जमिनीची प्रलंबित प्रकरणे  मार्गी लावण्याचे पटोले यांचे निर्देश

Tue Jun 30 , 2020
गोंदिया : हा जिल्हा झुडपी जंगल व्याप्त आहे. अनेक शेतकरी, आदिवासी जमाती व इतर पारंपरिक वन निवासी यांची उपजीविका चालविण्यासाठी वनहक्क जमिनीचे पट्टे त्यांना मिळणे आवश्यक आहे. प्रशासनाकडे प्रलंबित असलेल्या वनहक्क जमिनीचे पट्टे देण्यासाठीची प्रलंबित प्रकरणे कायद्यानुसार तातडीने मार्गी लावण्यात यावीत, असे निर्देश विधानसभा अध्यक्ष नाना पटोले [ nana patole] […]