Home साहित्य-संस्कृती काव्याभिलाषा Kavyabhilasha ….चांदणं पडलं रातीला सपान आलं चांदनी हवी चंदाला एकांत आपुल्या साथीला

Kavyabhilasha ….चांदणं पडलं रातीला सपान आलं चांदनी हवी चंदाला एकांत आपुल्या साथीला

274

नूतन झाडे नागपूर

सपान…

चांदणं पडलं रातीला सपान आलं
चांदनी हवी चंदाला एकांत आपुल्या साथीला

चांदणं पडलं रातीला सपान आलं
जग झालं विश्रांत
चल घेऊ मोकळा श्वास
श्वासात सख्या अडकला प्राण
घेऊ हातात हात…

चांदणं पडलं रातीला सपान आलं
सख्या का असा लांब मजसी घे कुशीत
कर शांत या देहास
वेच तू यौवन ओंजळीत…

चांदणं पडलं रातीला सपान आलं…

***

सळसळ पानाची हुरहुर…

सळसळ सळसळ पानाची हुरहुर मनाची
जरी दूर दूर तू भासतेस अवती भवती

गंधाळला आसमंत प्रीत पावलांनी
कोकिळसूर गुंजे हिरव्या आम्रवनी
झुळूक गार शहारली तनू रोमांचली
मनमोहोर चुंबते धुंद श्वासांनी

संजय मुंदलकर
नागपूर

*****

LEAVE A REPLY

Please enter your comment!
Please enter your name here