गृहमंत्री अनिल देशमुख यांचे महिला पोलिस भगिनींसोबत रक्षाबंधन

(Last Updated On: August 3, 2020)

मुंबई : सध्याच्या कोरोना परिस्थितीमुळे आपले घरदार, नातेसंबंध बाजूला ठेवून लोकांच्या रक्षणार्थ झटणाऱ्या महिला पोलिस अधिकारी, कर्मचाऱ्यांना आज रक्षाबंधन सणाच्या निमित्ताने त्यांच्या हक्काचा मोठा बंधू गृहमंत्री अनिल देशमुख यांच्या रुपाने मिळाला. पोलिस दलाचा कुटुंबप्रमुख या नात्याने गृहमंत्र्यांनी महिला पोलीस अधिकारी व कर्मचाऱ्यांकडून राखी बांधून घेऊन रक्षाबंधन साजरे केले. त्यांनी सर्व महिला अधिकारी आणि कर्मचाऱ्यांशी संवाद साधला.                                                     कोविड-१९ च्या लढ्यात स्वत:च्या जीवाची पर्वा न करता आमच्या भगिनी नेटाने लढा देत आहेत. त्यामुळे महिला कर्मचाऱ्यांच्या सन्मानार्थ त्यांचे मनोधैर्य वाढविण्यासाठी कर्तव्याबरोबर सामाजिक जाणिवेतून लोकहित जपणाऱ्या महिला पोलीस कर्मचाऱ्यांसोबत रक्षाबंधन साजरे केले. फुटपाथवरील बेघर महिलेला प्रसुती करण्यास मदत करत तिला व तिच्या बाळाला सुखरूप दवाखान्यात भरती करणाऱ्या उपनिरीक्षक प्रिया गरुड आणि शिपाई अस्मिता जाधव उपस्थित होत्या. पनवेल नजिकच्या ज्ञानाई माध्यमिक विद्यालयातील ५० विद्यार्थ्यांचा १० वी पर्यंतच्या शिक्षणाचा खर्च उचलून त्यांना दत्तक घेणाऱ्या पोलिस नाईक रेहाना शेख यांच्यासोबत मुंबईच्या रस्त्यांवरील अनेक निराधारांना मदतीचा हात देणाऱ्या नाईक रंजनी जबारे, तसेच एकाच दिवशी ४ बेवारस मृतदेहांवर अंत्यसंस्कार करणाऱ्या नाईक संध्या शिलवंत उपस्थित होत्या. तसेच कोविड१९ च्या काळात कर्तव्य बजावताना कोरोनाने संक्रमित होऊन त्यावर यशस्वीरित्या मात करणाऱ्या महिला पोलीस शिपाई रुपाली डावके आणि सविता नवघणे देखील उपस्थित होत्या.                                                                                      महिला कर्मचाऱ्यांशी चर्चा करून पुढील कामांसाठी प्रेरणा व ऊर्जा मिळाली. दलातील सर्व महिला कर्मचाऱ्यांचा मोठा भाऊ या नात्याने मी त्यांच्या पाठीशी खंबीरपणे उभा आहे. रक्षाबंधनाच्या निमित्ताने खूप शुभेच्छा. दलाचा कुटुंबप्रमुख नात्याने मला महिला कर्मचाऱ्यांचा बरोबरीने महाराष्ट्र पोलिस दलाचा सार्थ अभिमान आहे, असे मनोगत गृहमंत्र्यांनी व्यक्त केले.

Leave a Reply

Your email address will not be published. Required fields are marked *