Home मुंबई कोरोनावर विजय मिळवण्याच्या दिशेने देश अग्रेसर

कोरोनावर विजय मिळवण्याच्या दिशेने देश अग्रेसर

51

मुंबई : जर्मनी, फ्रान्स यांसह काही देशात कोरोनाची दुसरी लाट आली असून काही भागात नव्याने लॉकडाऊन जाहीर झाले आहे. मात्र डॉक्टर्स, नर्सेस, समाजसेवी संस्था, संशोधक व सेवाभावी व्यक्ती यांच्या सामूहिक प्रयत्नांमुळे भारत कोरोनावर विजय मिळविण्याच्या दिशेने सातत्याने वाटचाल करीत आहे, असे प्रतिपादन राज्यपाल भगत सिंह कोश्यारी ( governer of maharashatra ) यांनी केले.
धारावी तसेच इतरत्र कोरोना प्रकोपाच्या काळात समाजकार्य करणाºया कोरोना योद्ध्यांचा राज्यपाल कोश्यारी यांच्या हस्ते राजभवन येथे सत्कार करण्यात आला़ भामला फाउंडेशन संस्थेच्या वतीने कोरोना योद्ध्यांच्या सत्कार सोहळ्याचे आयोजन करण्यात आले होते.
सेवा हा शब्द उच्चारण्यास अतिशय सोपा आहे; परंतु सेवा करणे अतिशय कठीण आहे. भारतातील डॉक्टर्स, परिचारिका व इतर समाजसेवकांनी कोरोना काळात आपण प्रत्यक्ष भगवंताची सेवा करीत आहोत या भावनेने कार्य केल्याचे राज्यपाल कोश्यारी यांनी सांगितले.
धारावी येथील कोरोनाची बिकट स्थिती सामूहिक प्रयत्नांतून नियंत्रणात आणल्याबद्दल राज्यपालांच्या हस्ते मुंबई महानगरपालिकेचे सहायक आयुक्त किरण दिघावकर यांचा सत्कार करण्यात आला.
शासन कार्यासोबतच लोकसहभाग तसेच अशासकीय संस्थांचे योगदान यामुळे धारावी येथील कोरोना संसर्ग नियंत्रित करणे शक्य झाले, असे दिघावकर यांनी यावेळी सांगितले.
उदयपूरचे युवराज लक्ष्यराज सिंह मेवाड, बांधकाम व्यावसायिक तसेच शिक्षणसंस्था चालक निरंजन हिरानंदानी, पार्श्वगायक शान व गायिका पलक मुच्छल, अभिनेते अलि फजल व भामला फाउंडेशनचे अध्यक्ष आसिफ भामला उपस्थित होते.
नानावटी रुग्णालयाचे डॉ. समद अन्सारी, हिरानंदानी रुग्णालयाचे मुख्याधिकारी डॉ. सुजित चटर्जी, विजय कारिया, सायन रुग्णालयाचे अधिष्ठाता डॉ. मोहन जोशी, कमल खुशलानी, विनित गौतम, त्रिवनकुमार कनार्नी, रोमांचक अरोरा, निक्सन जोसफ, नेल्सन कोएल्हो, बैद्यनाथचे आयुर्वेदचे अध्यक्ष सिद्धेश शर्मा, आर डी नॅशनल कॉलेजच्या प्राचार्य डॉ. नेहा जगतियानी, समाजसेवी एहसान गडावाला, अनुराग कत्रियार, धारावी ठाण्याचे वरिष्ठ पोलिस निरीक्षक रमेश नागरे यांचा कोरोना काळातील कार्याबद्दल सत्कार करण्यात आला.

LEAVE A REPLY

Please enter your comment!
Please enter your name here