Home राजधानी मुंबई ग्रामपंचायत निवडणूक : जात प्रमाणपत्र पडताळणी अर्ज बुधवारीही स्वीकारण्याचे निर्देश

ग्रामपंचायत निवडणूक : जात प्रमाणपत्र पडताळणी अर्ज बुधवारीही स्वीकारण्याचे निर्देश

54

मुंबई : ग्रामपंचायत निवडणुकीच्या अनुषंगाने राज्यभरात जात प्रमाणपत्र पडताळणीचे अर्ज दाखल करण्यासाठी जिल्हा जात प्रमाणपत्र पडताळणी समिती येथे नागरिकांची झुंबड उडालेली आहे. जात पडताळणीच्या अजार्चे प्रमाण वाढल्याने आॅनलाईन प्रक्रिया मंदावली आहे. त्यामुळे उद्या, ३० डिसेंबर रोजीही राज्यातील सर्व जात पडताळणी समित्यांनी आॅनलाईनसह आॅफलाईन अर्जसुद्धा स्वीकारावेत, असे निर्देश सामाजिक न्याय व विशेष सहाय्य मंत्री धनंजय मुंडे यांनी दिले आहेत.

आॅनलाईन अर्ज प्रक्रियेचा वेग मंदावल्याने तसेच ग्रामपंचायत निवडणुकीसाठी [ grampanchayat election ] अर्ज भरण्याची मुदत संपत आली असल्याने आॅनलाईनसोबतच आॅफलाईन पद्धतीने अर्ज स्वीकारावेत याबाबत राज्यभरातून विनंती करण्यात येत असल्यामुळे तातडीने हा निर्णय घेण्यात आल्याचे मंत्र्यांनी सांगितले.

उमेदवारांना जात प्रमाणपत्र पडताळणीच्या अर्जाची पोहोच पावती मिळावी, गैरसोय होऊ नये याकरिता ३० डिसेंबर रोजीही अर्ज आॅनलाईन व आॅफलाईन पद्धतीने स्वीकारण्यात येतील. ठिकठिकाणी समितीने अर्जाची संख्या लक्षात घेत अर्ज स्वीकारण्याची खिडकी / कक्ष वाढवावेत व कर्मचाºयांनी पूर्ण क्षमतेने व पूर्ण वेळ काम करावे. या दिवशी आलेले सर्व अर्ज दाखल करेपर्यंत कार्यालय सुरू ठेवावीत तसेच आॅफलाईन दाखल केलेल्या अर्जाची माहिती १ जानेवारी २०२० बार्टीकडे लेखी स्वरूपात कळवावी, असे आदेश राज्यातील सर्व जात प्रमाणपत्र पडताळणी समित्यांना देण्यात आले आहेत.

 

LEAVE A REPLY

Please enter your comment!
Please enter your name here